मुलांना कामावर पाठवणाऱ्या पालकांना आणि त्यांना कामावर ठेवून घेणाऱ्या व्यावसायिकांना कठोर शिक्षा केली जायला हवी. रस्त्यावर फिरून खेळणी विकणारे, मिठाई विकणारे, ज्वेलरी विकणारी मुले असतात. अशा मुलांच्या शिक्षणाची जबाबदारी निवासासह शासनाने उचलायला हवी. काही वेळा ही मुले आपल्या कुटुंबातील व्यक्तींना सोबत, तर कधी गावातील ओळखीच्या व्यक्तींसोबत आपला जिल्हा, आपले राज्य सोडून आलेली आढळली आहेत. तसेच काम करणाऱ्या मुलांची संख्या मुलींच्या तुलनेत खूपच जास्त आहे. या मुलांची कौटुंबिक पार्श्वभूमी पाहिली असता असे लक्षात येते, की कुटुंबांची आर्थिक स्थिती कमकुवत आहे, वडील व्यसनाधीन आहेत, कुटुंबातील मुलांची संख्या जास्त आहे. या मुलांना व त्यांच्या कुटुंबांना बालकामगार कायद्याविषयी, मुलांच्या मनावर, शरीरावर होणाऱ्या परिणामांविषयी जागृती नसते. अशी काही मुले वाईट सवयींकडे वळतात. अशी मुले आढळल्यास चाईल्डलाईनवर संपर्क साधावा किंवा पोलिस, बालकल्याण समिती, सहायक कामगार आयुक्त विभाग यांच्याशीसंपर्क साधावा. या मुलांपैकी काहींना आपणही इतर मुलांप्रमाणे शाळेत जावे, सर्वसामान्यांप्रमाणे जगावे, असे वाटते. अशी मुले आढळल्यास योग्य त्या यंत्रणांना माहिती द्यावी व त्या मुलांना त्या परस्थितीतून बाहेर येण्यासाठी मदत करावी.
No comments:
Post a Comment